Imprimir

Os termómetros alcanzan os 30 graos en Galicia

Europa Press | 20 de abril de 2019

Praia de Silgar, en Sanxenxo, este sábado. JOSÉ LUIZ OUBIÑA
Praia de Silgar, en Sanxenxo, este sábado. JOSÉ LUIZ OUBIÑA

Para o domingo, Meteogalicia prevé unha leve baixada de temperaturas máximas, que se situarán ao redor dos 25 graos
 

Galicia superou este sábado 20 de abril os 30 graos, que se alcanzaron en Ponteareas (Pontevedra), con valores próximos a esta temperatura tanto nesta provincia como en localidades de Ourense. 

Nunha xornada de influencia anticiclónica e circulación do nordeste, os datos de Meteogalicia reflicten que A Granxa, en Ponteareas, chegou aos 30,2 graos ás 17.30 horas. En valores máximos seguiulle Tui, con 29,6 graos á mesma hora; Arnoia (Ourense) con 29,5 ás 17.50 horas; Pontevedra coa mesma temperatura ás 16.10 e Leiro con 29,4 ás 16.10. 

Aínda que as temperaturas máximas foron algo inferiores nas dúas provincias do norte, en Lugo e A Coruña, aínda así superaron na maior parte do territorio os 20 graos de máxima. 

En cambio, as mínimas foron bastante baixas, situándose nos 3,4 graos no Valadouro, 3,7 en Baltar (Ourense) e 3,8 en Calvos de Randín (Ourense). 

Para o domingo, Meteogalicia prevé unha leve baixada de temperaturas máximas, que se situarán ao redor dos 25 graos. 

Puede ver este artículo en la siguitente dirección /articulo/galicia/termometros-alcanzan-30-graos-galicia-sabado/20190420201534056906.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)