Imprimir

Traballadores de Alu Ibérica cortan Alfonso Molina, na Coruña, para esixir solucións

Axencias | 11 de junio de 2020

Trabajadores de la aluminera Alu Ibérica en A Coruña bloquearon el tráfico de vehículos en la tarde de este jueves en los carriles de salida de la Avenida Alfonso Molina y quemaron neumáticos para denunciar la situación de incertidumbre que rodea el futuro de la factoría. Mantuvieron durante una media hora el corte de la vía, una de las principales vías de comunicación de la ciudad.
Trabajadores de la aluminera Alu Ibérica en A Coruña bloquearon el tráfico de vehículos en la tarde de este jueves en los carriles de salida de la Avenida Alfonso Molina y quemaron neumáticos para denunciar la situación de incertidumbre que rodea el futuro de la factoría. Mantuvieron durante una media hora el corte de la vía, una de las principales vías de comunicación de la ciudad.
Tachan de enorme "insulto" a reunión celebrada este xoves para abordar o futuro da planta, á que non asistiron os máximos responsables do Ministerio de Industria nin Alcoa e Parter

Traballadores da aluminera Alu Ibérica na Coruña bloquearon o tráfico de vehículos na tarde deste xoves nos carrís de saída da Avenida Alfonso Molina, onde queimaron pneumáticos, para denunciar a situación de incerteza que rodea o futuro da factoría. Mantiveron durante unha media hora o corte da vía, unha das principais arterias da cidade. A mobilización provocou algunhas retencións de tráfico ata que puido desviarse por outras zonas. 

Os participantes na protesta cualificaron de enorme "insulto" a falta de asistencia a unha reunión telemática desenvolvida este xoves de representantes das empresas Alcoa e Parter, anteriores propietarios das fábricas da Coruña e de Avilés, así como a ausencia da ministra de Industria, Reyes Maroto, e do secretario de Industria, Raül Branco, para abordar o futuro laboral desas plantas alumineiras.

Os traballadores convocaron unha asemblea, tras esa reunión, e desenvolveron a súa protesta a partir das 16.30 horas bloqueando o tráfico durante media hora na avenida.

Traballadores de Alu Ibérica cortando Afonso Molina. EP

"Foi unha reacción de enfado monumental do persoal", indicou a Efe o presidente do comité de empresa, Juan Carlos López Corbacho, que pide ás empresas e ao Goberno "transparencia". A partir de aí, subliña que as primeiras "teñen que cumprir" o prometido e que Industria debe "facer cumprir" o pactado. E asegura que a ministra "ten que dimitir de inmediato se non toma medidas". 

"O ministerio está desaparecido e non podemos tolerar esta situación", denunciou López Corbacho, á vez que pediu investigar o proceso que levou á multinacional Alcoa a vender as plantas ao fondo suízo Parter e posteriormente ao grupo Riesgo, todo en menos dun ano

O persoal da Coruña e Avilés está preocupado polo seu futuro despois de que Parter, o investidor elixido o pasado ano para adquirir as plantas, cedese a maioría do accionariado a Riesgo, sobre o que advirten que hai moitas dúbidas.

 

A Xunta acusa a Industria de faltar ao respecto aos traballadores
O conselleiro de Economía, Emprego e Industria, Francisco Conde, cualificou este xoves de "falta de respecto" cara aos traballadores de Alu Ibérica a ausencia dos "máximos" representantes do Ministerio de Industria na reunión da mesa técnica sobre o futuro da empresa, na que tampouco participaron Alcoa e Parter.

Estiveron na reunión o director xeral de Industria do ministerio, Galo Gutiérrez; representantes do Principado de Asturias; o propio Conde, e os sindicatos.

Segundo fontes da multinacional, Alcoa declinou participar na reunión porque considera que "non lle corresponde" asistir á mesa técnica de dúas plantas das que "xa non é propietaria". Desde a multinacional do aluminio apuntan que "Alcoa logrou que o novo investidor asuma o mesmo nivel de compromiso a Parter", xa que subscribiu "ante notario" os acordos de venda que incluían o mantemento do emprego nas dúas fabricas e un proxecto de futuro.

Conde, pola súa banda, acusou o ministerio de demostrar "unha vez máis que a industria non está na súa axenda, que Galicia non está na súa axenda", e lamentou que os 328 traballadores da planta coruñesa "non teñen unha concreción de cal pode ser o seu futuro".
Puede ver este artículo en la siguitente dirección /articulo/economia/traballadores-alu-iberica-cortan-afonso-molina-coruna-esixir-solucions/20200611190712079620.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)