O venres continuaremos con influencia das altas presións, co anticiclón situado ao norte da península. Así, espérase unha xornada de ceos pouco nubrados ou despexados.
As temperaturas mínimas sufrirán un lixeiro a moderado descenso, con formación de xeadas no interior e as máximas ascenderán, especialmente na metade norte.
O vento soprará frouxo de compoñente sur en xeral e de compoñente este moderado no litoral norte.
Estas son as temperaturas extremas previstas nas principais cidades:
A Coruña 7°/19°; Ferrol 5°/20°; Lugo 0°/18°; Ourense 4°/22°; Pontevedra 7°/22°; Santiago de Compostela 4°/18°; Vigo 10° 23°
