Imprimir

A Xunta activa as paradas seguras nocturnas en buses interurbanos de 85 concellos

Europa Press | 16 de marzo de 2019

Autobús urbano de Vigo. ADP
Autobús urbano de Vigo. ADP

O servizo ten como beneficiarios ás mulleres, ás persoas maiores, aos menores que viaxen sós e aos viaxeiros con mobilidade reducida

A Xunta anunciou que activa as 'paradas seguras' en horario nocturno nos servizos de autobús interurbano en 85 concellos da Comunidade.

Aínda que o plan de transporte público de Galicia –que comezará a funcionar o mes de agosto– permitirá que se poñan en marcha estas paradas en case 2.000 liñas, o Goberno galego trasladou ás empresas concesionarias unha proposta de protocolo para que poidan pór en marcha xa estas iniciativas.

Deste xeito, tal e como informou a Consellería de Infraestruturas, "oito empresas xa comunicaron a adhesión a este protocolo e trasladaron que teñen servizos na franxa comprendida entre as 22.00 e as 7.00 horas".

A medida "contempla como beneficiarios ás mulleres, ás persoas maiores, aos menores que viaxen sós e aos viaxeiros con mobilidade reducida". O plan tamén prevé "o funcionamento de varias liñas con horarios nocturnos adaptados ás quendas de determinados grandes centros de traballo".

Así, o departamento autonómico manifestou que a Xunta "continúa avanzando no proceso de renovación do mapa de servizos do autobús interurbano de Galicia mediante unha planificación que culminará este ano". 

Puede ver este artículo en la siguitente dirección /articulo/galicia/xunta-activa-paradas-seguras-nocturnas-buses-interurbanos-85-concellos/20190316163103054893.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)