Zara, o buque insignia de Inditex, é a marca de moda coa que máis se relacionan os consumidores españois, segundo se desprende do informe Dixitalización e Experiencia do Cliente, realizado pola asociación para o Desenvolvemento da Experiencia de Cliente (DEC) e a consultora Minsait.
En concreto, a firma do grupo Inditex é a que máis interactuou cos consumidores, chegando a un 21,8% dos enquisados, seguida moi por detrás do Corte Inglés, cun 8%; e Primark, cun 5,4%.
O informe sinala que a moda en xeral ten un alto nivel de recomendación e satisfacción, feito que se produce normalmente máis nos produtos de consumo e menos nos de servizo.
A personalización, unha das claves do éxito de Zara
Ademais, trátase dun sector que soubo "moi ben" ofrecer unha experiencia homoxénea tanto nos medios online como físicos, mantendo unha coherencia omnicanal.
Outro dos atributos dixitais que o consumidor percibe como máis desenvolvido e con maior impacto na marca, é a personalización. O estudo destaca que Inditex aposta polo big data e consegue dar valor a través da personalización, pondo no centro ao cliente, ofrecéndolle, neste caso, maiores ou menores tallas, segundo o perfil dos seus consumidores.
