domingo. 28.11.2021 |
El tiempo
domingo. 28.11.2021
El tiempo

O acusado de filtrar datos de vítima da Manada di que non quería difamarla

Asegura que se limitou a copar fotos e datos que circulaban por foros abertos de internet

O acusado de difundir datos da vítima da Manada asegurou ante o xuíz que non pretendía facer apología da violación nin difamar á moza e que se limitou a copiar fotos e datos que circulaban por foros abertos da rede para colgalos como resposta ao comentario dun internauta.

Segundo informaron fontes xudiciais, o acusado da filtración, un home que se chama Eric, ten 40 anos e é seguidor da Lexión, compareceu este mércores como imputado ante o titular do xulgado de instrución número 6 de Barcelona, logo de ser identificado pola Policía Nacional.

Ante o xuíz, o acusado alegou que se limitou a tomar pantallazos dos datos da moza que circulaban en foros abertos de internet e que os utilizou para replicar, nun chat de dimensións menores, a un internauta.

De feito, nunha das fotos que colgou na rede pódese apreciar o nome da web da que captou a imaxe, que xa circulaba por Internet en fontes abertas, segundo puntualizou.

No interrogatorio, o acusado negouse a responder as preguntas da acusación popular exercida por unha entidade feminista, segundo as fontes. 

O acusado de filtrar datos de vítima da Manada di que non quería...