As autoridades alemás incluíron a toda España, salvo as illas Canarias, na clasificación de rexión de risco ás que se desaconsella as viaxes non esenciais debido ao incremento de casos de Covid-19.
Os ministerios alemáns de Sanidade e Asuntos Exteriores acordaron esta clasificación, de acordo aos criterios do Instituto Robert Koch (RKI), competente na materia, que incluíu todo o territorio peninsular español, máis as illas Baleares, nesa lista.
Ata agora estaban dentro desta clasificación cinco comunidades autónomas españolas -Cataluña, Aragón e Navarra, que foron incluídas a finais de xullo-, e Madrid e País Vasco desde o pasado día 10.
España é, coas Illas Baleares á cabeza, o destino vacacional preferido dos alemáns no estranxeiro.
A cualificación de rexión de risco baséase nos criterios do RKI, que toma como referencia para esa cualificación os lugares onde se superaron os 50 novos casos por cada 100.000 habitantes nunha semana
Desde o pasado sábado é obrigatorio facerse un test -ou presentar un negativo realizado nas últimas 48 horas- tras ingresar en Alemaña procedente das denominadas zonas de risco -unhas 130 en todo o mundo-.
Ata ter os resultados, o viaxeiro queda en corentena domiciliaria. De ser negativo aconséllase, ademais, facerse unha segunda proba nos catro ou cinco días seguintes para confirmar o primeiro resultado.
A cualificación de rexión de risco baséase nos criterios do RKI, que toma como referencia para esa cualificación os lugares onde se superaron os 50 novos casos por cada 100.000 habitantes nunha semana.
Nesa categoría hai uns 130 países, entre os que se incluían xa, dentro do territorio da Unión Europea (UE), varias rexións de Bélxica, Romanía e Bulgaria, ademais de Luxemburgo.
España non é un dos principais responsables do repunte, segundo os datos do propio RKI
O resto de rexións de risco son terceiros países, como Turquía e parte dos Balcáns, así como Rusia, Estados Unidos e amplas zonas de África, Asia e Oceanía.
O RKI estima que un de cada tres novos casos da Covid-19 é importado. Deles, a maioría é de cidadáns que pasaron as súas vacacións ou visitaron aos seus familiares en Kósovo (máis de 1.000 casos nas últimas catro semanas), seguidos polos procedentes de Turquía, Serbia e Bulgaria.
España non é un dos principais responsables do repunte, segundo os datos do propio RKI. Estímase que ese país tan só sumou 107 novos casos.
