Ao redor de 19 persoas precisaron asistencia sanitaria este luns tras encherse de fume a cabina dun avión da compañía British Airways que viaxaba de Londres a Manises ao aterrar no aeródromo valenciano. Os pasaxeiros tiveron que saír da aeronave a través das ramplas de evacuación. Ocorreu sobre as sete da tarde.
O incidente comunicouse á torre de control. Aínda que nun primeiro momento os servizos de urxencias recibiron a notificación de que se detectou lume nun dos motores do avión ao aterrar, á chegada dos efectivos de bombeiros non había chamas, só fume, segundo detallou o 112. Abríronse as portas de emerxencia e os pasaxeiros saíron da aeronave a través das ramplas flotantes.
Tres persoas resultaron intoxicadas de carácter leve por fume e foron trasladadas a centros hospitalarios para comprobar o seu estado de saúde. Ademais, 16 pasaxeiros foron asistidos por diferentes causas, como rozaduras ao baixar das ramplas flotantes e ataques de ansiedade, segundo a Delegación do Goberno.
Un dos pasaxeiros do avión, o xornalista Dani Meroño, relatou a través de Twitter que se viviron momentos de "pánico" e "medo". "Está todo o mundo ben pero houbo xente que o pasou francamente mal. O susto foi grande cando apareceu a néboa mentres voábamos. Por sorte, foi cerca e foi todo ben. Cando aterramos, suspiramos", explicou.
Intentamos saír pero non funciona nada!!! atrapados pero van abrir a porta!!!Aterramos en Manises \
British_Airways < href="https://t.co/917WOKL4eu">pic.twitter.com/917WOKL4eu <> — Dani Meroño Bori (\Dani_Merono) August 5, 2019<> O aeroporto non activou ningunha fase de urxencia, pero o tráfico aéreo desviouse ao redor de 25 minutos e despois restableceuse.