Un camión que transportaba elefantes saíuse da vía este luns na A-30 ao seu paso por Pozo Cañada, en Albacete, entre os quilómetros 23 e 24, en sentido Murcia. O condutor do camión non resultou ferido mentres un dos animais faleceu e outros dous paquidermos saíron magoados.
A-30 cortada por caída de camión con elefantes sueltos en la calzada. Cortada autovía dirección Murcia a la altura de pozo Cañada. pic.twitter.com/z0tPg6KDZo
— PolicíaLocalAlbacete (@PoliciaAlbacete) 2 de abril de 2018
O director da Dirección Xeral de Tráfico, Gregorio Serrano, informou no seu perfil da rede social Twitter de que, dos cinco elefantes que viaxaban no camión, un morreu e outros dous están feridos.
Como consecuencia do accidente, a A-30 está cortada, aínda que fontes do Subsector de Tráfico da Garda Civil de Albacete informaron de que é probable que o tráfico sexa restablecido en breve.
Se está procediendo a la asistencia y evacuación de los elefantes heridos en el accidente que ha tenido lugar en Albacete. De los cinco paquidermos hay uno muerto y dos heridos. En breve de restablecerá la circulación en la A-30 en el pk 22/23. pic.twitter.com/fhGypNDYGm
— Gregorio Serrano (@Gserrano_DGT) 2 de abril de 2018
Mentres tanto, están a facerse desvíos alternativos por Pozo Cañada, cara á N-301, nos quilómetros 23-24.
Polo momento, descoñécense cales foron as causas que provocaron o accidente.