A exvicepresidenta do Goberno Soraya Sáenz de Santamaría gañou a primeira volta do proceso interno para elixir ao líder do PP e pasa á segunda rolda xunto a Pablo Casado, mentres que a exsecretaria xeral do partido, Dolores de Cospedal, quedou terceira e fóra da carreira.
Segundo os datos provisionais que comunicou en rolda de prensa o presidente da Comisión Organizadora do Congreso do partido, Luis de Grandes, Sáenz de Santamaría conseguiu 21.513 votos —36,95 por cento—, seguido de Pablo Casado, con 19.967 sufraxios, o que representa o 34,30 por cento do censo.
En terceiro lugar, Cospedal obtivo 15.090 papeletas —25,90 por cento—, mentres que José Manuel García-Margallo, quedouse xa a moito máis lonxe co 1,17 por cento e 680 votos
A moi curta distancia de Margallo, José Ramón García Hernández conseguiu 668 apoios —1,15 por cento—, e en último lugar Elio Cabanes quedouse en 185 papeletas, o que representa o 0,32 do voto escrutado.
En total, emitíronse 58.305 votos, o que representa o 87 por cento do censo.
