Os falecementos en Italia asociados ao coronavirus alcanzaron este xoves os 13.915, tras rexistrarse 760 máis nas últimas 24 horas, unha cifra algo inferior á do día anterior.
O numero de casos positivos desde que detectouse o virus en Italia o 20 de febreiro é 115.242, segundo os datos ofrecidos na habitual conferencia de prensa do xefe de Protección Civil, Angelo Borrelli. Deles, 18.278 xa se curaron (máis de 1.400 o último día) e na actualidade hai 83.049 casos positivos.
Os contaxios das últimas 24 horas foron 2.477, unha cifra algo menor da do día anterior. Son xa varias xornadas nas que os novos casos diarios son inferiores a 3.000, o que fai pensar ás autoridades italianas que se está aplanando a curva da propagación do virus.
Dos casos positivos actuais, 28.540 están hospitalizados con síntomas, 4.053 en coidados intensivos (18 máis que o día anterior) e 50.456 recupéranse en illamento domiciliario.
