O Ministerio de Sanidade informou este xoves de 2.935 novos casos de Covid-19, unha considerable subida en comparación cos 1.690 deste mércores Ademais, actualizouse a cifra de positivos desde o inicio da pandemia, que se sitúa en 337.334, case 8.000 máis que este mércores (329.784).
Na última semana faleceron ata 70 persoas con proba diagnóstica confirmada de Covid-19, fronte aos 65 dos que informou este xoves Sanidade. O número de mortes sitúase en 28.605, segundo as cifras oficiais do Ministerio.
Por outra banda, tamén avanzan con forza os ingresos hospitalarios, con 953 na pasada semana (129.009 a nivel global na pandemia), e 51 en unidades de coidados intensivos (11.926 no cómputo xeral do Covid-19 en España).