A expresidenta da Comunidade de Madrid Cristina Cifuentes insistiu este luns ante a xuíza que presentou o Traballo de Fin de Máster (TFM) tras aprobar todas as materias sen irregularidades e que o defendeu ante un tribunal, ademais de reafirmarse en que tiña dispensa do director para non ir a clase.
Fontes xurídicas informaron de que Cifuentes compareceu durante hora e media ante a titular do Xulgado de Instrución número 51 de Madrid, Carmen Rodríguez Medel, que a investiga por delitos de prevaricación administrativa, suborno e falsidade documental.
Na súa comparecencia, Cifuentes non se saíu do guion ofrecido ata a data e mantivo todos e cada un dos puntos da súa tese, aferrada ao feito de que todo o que aconteceu no máster foi absolutamente legal cumprindo cos trámites establecidos.
Pero tamén co acordo alcanzando co entón director do Instituto de Dereito Publico, Enrique Álvarez Conde, de quen dixo que era o seu único interlocutor cos profesores.
A exdirixente popular afirmou que non só fixo o TFM senón que tamén o defendeu por apenas cinco minutos ante o tribunal, aínda que non recorda cando foi, quen compuñan a sala e tampouco que foi do traballou que presentou, que, segundo cre, debeuse de perder nunha mudanza.
