Un home que a través dun tuit chamou "cocainómano" ao expresidente de Ciudadanos Albert Rivera e lle desexou un infarto foi condenado por inxurias e deberá pagarlle 2.000 euros, un diñeiro que o exdeputado dixo que doará ás vítimas do terrorismo. Rivera, que este mércores acudiu ao Xulgado do Penal número 11 de Madrid, celebrou a pena imposta: condena de prisión substituída por 9 meses de multa con cota de tres euros e pago de 2.000 euros pola comisión dun delito de inxurias.
"Recoñeceu que a súa acusación de 'cocainómano' era falsa e tivo que desculparse por desexarme un infarto. Ao final vence a verdade. Doarei o diñeiro ás vítimas do terrorismo", escribiu logo nunha mensaxe na súa conta de Twitter.
Hoy la justicia ha condenado a Jordi Morgou con nueve meses de pena por delito de injurias. Ha reconocido que su acusación de ‘cocainómano’ era falsa y ha tenido que disculparse por desearme un infarto. Al final vence la verdad. Donaré el dinero a las víctimas del terrorismo.
— Albert Rivera (@Albert_Rivera) January 29, 2020
As dúas partes chegaron a un acordo de conformidade e o condenado deberá publicar un texto nas súas redes sociais no que recoñeza que non é certo o que afirmou nun tuit do 25 de marzo de 2018. Deberá retractarse das súas palabras e pedir "desculpas expresas por todos os danos e prexuízos causados a Albert Rivera e á súa contorna familiar".