O Arcebispado de Madrid asegura que non se autorizou a utilización de dependencias da igrexa" de San Carlos Borromeo para a rolda de prensa convocada este martes por Willy Toledo nese centro pastoral, á mesma hora que o actor debía declarar ante un xulgado por presuntos insultos a Deus e á Virxe.
O arcebispado comunicouno así nunha nota, pouco antes da anunciada rolda de prensa na parroquia de Willy Toledo, xunto aos actores Javier Bardem e Alberto San Juan, entre outros, convocada para non acudir como investigado ao Xulgado número 11 de Madrid, onde está citado por un presunto de delito contra os sentimentos relixiosos.
"A pesar do que publican algúns medios, San Carlos Borromeo non é unha parroquia senón un centro de pastoral" e este tipo de centros debe "acoller encontros de pastoral e mostrar o rostro de Xesucristo con obras, non albergar actos de tipo político nos que se confunde fe con ideoloxía".
Asegura, ademais que non se autorizou a utilización de dependencias da igrexa para este acto".
Sen entrar a valorar o presunto delito contra os sentimentos relixiosos, que corresponde dirimir á Xustiza, "convén recordar que a liberdade relixiosa é un dos alicerces da nosa democracia", engade o comunicado.
"En aras a unha pacífica convivencia de todos, debe manterse o respecto debido ás conviccións relixiosas, evitándose o insulto groseiro e gratuíto, xerador de discursos de odio, que en ningún caso pode ser amparado pola liberdade de expresión", conclúe.
