Deteñen ao presidente da Deputación de Lleida Joan Reñé por presunta corrupción

A investigación iniciouse polo presunto cobro de comisións

Joan Reñé. QUIQUE GARCÍA
photo_camera Joan Reñé. QUIQUE GARCÍA

Os Mossos d'Esquadra levan a cabo este martes unha operación anticorrupción centrada na Deputación de Lleida que se desenvolve na capital leridana e outras poboacións da provincia, tras unha investigación iniciada pola Fiscalía, confirmaron a Efe fontes da Policía da Generalitat.

Na operación, segundo avanza La Vanguardia, foron detidos o presidente da Deputación de Lleida e alcalde de Fondarella, Joan Reñé, ademais de varios altos cargos da corporación, da sección de Conservación de Estradas da Generalitat e algúns responsables de empresas investigadas.

A investigación iniciouse polo presunto cobro de comisións por parte de Reñé e outros altos cargos da Deputación e estaría tamén relacionada co pago de doazóns ás fundacións vinculadas a CDC, como CatDem, a cambio de recibir adxudicacións en concellos gobernados este partido ou con responsabilidades en organismos públicos da Generalitat, informou o rotativo.

Comentarios