Os Mossos d'Esquadra detiveron na tarde deste luns unha muller por afogar a súa filla nunha bañeira en Xirona, segundo informaron fontes policiais.
A muller chamou ás 15.05 horas ao teléfono de urxencias 112 para confesar que afogara a súa filla na bañeira do seu domicilio, no número 28 da rúa Ronda Ferran Puig.
Ao trasladarse ao lugar, os Mossos e o Sistema d'Emergències Mèdiques (Sem) comprobaron que a menor, de 10 anos, estaba gravemente ferida e realizaron actuacións para reanimala. Foi trasladada ao hospital, onde finalmente faleceu.
