A Policía Local de Palma detivo un home que cravou un anciño metálico nas costas a un mozo alemán de 17 anos que esnaquizara o seu castelo de area.
A agresión produciuse sobre as 7.00 horas deste domingo na Praia de Palma. Ao parecer, o menor, que regresaba ao seu hotel xunto a dous amigos tras unha noite de festa, subiuse a un gran castelo de area construído na praia e esnaquizouno.
O autor da obra, que durmía nunha tenda de campaña á beira da escultura, espertouse enfurecido e abalanzouse sobre os mozos. Dous deles conseguiron escapar, pero o terceiro foi golpeado co anciño.
Tras alertar á Policía, o home, de orixe romanesa, foi detido por agresión con arma branca e lesións.
O agredido foi trasladado en ambulancia ata un centro hospitalario nunha ambulancia, onde lle tiveron que aplicar puntos de sutura na ferida.
