François Gallardo, excolaborador de El Chiringuito, foi detido tras pasar os dous últimos anos en busca e captura. Acusado de estafar 12.000 euros a un compañeiro de radio en 2017, non se presentou ao xuízo e estivo en paradoiro descoñecido desde entón. Ata que un mosso d'Esquadra fóra de servizo topouse con el este luns en Sabadell e, tras recoñecelo, procedeu ao seu arresto.
Ao parecer, Gallardo pediulle no seu día 21.000 euros a un colega para investir nun fondo e só lle devolveu 9.000, polo que a Fiscalía solicitou unha pena de catro anos de cárcere e unha multa de 6.000 euros. Segundo o ministerio público, prometéralle que ese diñeiro lle xeraría pingües beneficios en medio ano, "facéndose pasar por axente Fifa e finxindo ser administrador dunha empresa”.
