Os Mossos d'Esquadra detiveron dous homes e unha muller por unha agresión sexual múltiple reiterada a unha muller nun escampado do barrio do Poblenou de Barcelona durante a pasada fin de semana en Barcelona, informou o corpo este sábado nun comunicado. O xulgado decretou a súa posta en liberdade provisional con medidas cautelares.
A policía catalá tivo coñecemento dos feitos a madrugada do pasado martes, despois de que uns cidadáns localizasen á moza de orixe rusa camiñando desorientada e pedindo axuda na rúa Aragó, tras o que foi trasladada ao Hospital Clínic, segundo informaron El País e La Vanguardia.
A muller explicou que foi retida durante todo o fin de semana nun escampado abandonado con portas metálicas, do que finalmente puido escapar, sen recordar con exactitude como foi conducida ata o lugar dos feitos. A vítima contou que quedouse durmida nun banco da Estació do Nord —segundo os citados diarios— e ao espertarse recordaba que uns homes a conduciron ao escampado onde se produciron as agresións.
Os Mossos d'Esquadra localizaron o lugar onde se produciron as agresións reiteradas e identificaron a diversas persoas que poderían estar relacionadas.
BUSCAN Un TERCEIRO HOME. Este venres, detiveron dous dos autores identificados como presuntos autores da agresión sexual e detención ilegal, de nacionalidade romanesa e a unha muller de nacionalidade española que puido ser a autora dunha detención ilegal e delito de lesións. A investigación segue aberta para deter a un terceiro autor de nacionalidade romanesa, identificado como presunto autor da agresión sexual e detención ilegal.
