A Policía Nacional detivo a nove homes, de orixe alemá e evanxelistas, tras desatar o pánico no metro de Valencia ao realizar proclamas relixiosas e berros de somos "todos somos pecadores", "imos morrer" ou "arderemos no inferno".
Segundo informaron a EFE fontes da Policía Nacional, os feitos ocorreron a noite do pasado sábado, sobre as 22.45 horas, cando un grupo de persoas entraron nun convoi da liña 3 de Metrovalencia cunha gran cruz e repartiron panfletos con proclamas relixiosas.
Entra as proclamas, gritaron frases como "somos pecadores", "imos morrer" ou "arderemos no inferno", e sobre as drogas e a relixión, o que provocou un gran balbordo entre os pasaxeiros que levou ao condutor a deter o metro, cando circulaba entre as estacións de Xàtiva e Alameda, na cidade de Valencia.
Ante os berros dos homes, que portaban unha grande cruz e mochilas, os pasaxeiros "asustáronse" e cando o convoi se detivo saíron en estampida, na que unha moza resultou ferida leve.
Ao lugar desprazáronse axentes da Policía Nacional que identificaron e detiveron aos nove homes, de entre 19 e 37 anos, que se negaron a abandonar o convoi a instancias dos vixiantes privados de Metrovalencia.
Os nove detidos pasaron a disposición do xulgado de garda de Valencia, informaron as mesmas fontes. EFE
