Laura Nuño, a que foi directora do máster que cursou a ministra de Sanidade, Carmen Montón, na Universidade Rei Juan Carlos (URJC) de Madrid defendeu este luns que non houbo "ningunha" irregularidade na obtención do título e que a ministra xa ensinou o seu traballo de fin de máster (TFM).
Nuño estaba este luns citada a declarar como imputada polo caso máster da expresidenta madrileña Cristina Cifuentes, aínda que a súa comparecencia pospúxose ata o próximo 24 de setembro a petición do seu avogado.
Á saída dos xulgados madrileños de Praza de Castela, a exsubdirectora do Instituto de Dereito Púbico da URJC e directora do posgrao da ministra fixo unhas breves declaracións aos medios nas que negou a existencia de irregularidades no máster en Estudos Interdisciplinares de Xénero, tal e como afirma unha información que publica eldiario.es. "Hai un traballo de fin de máster que o ensinou ela", sinalou Nuño aos xornalistas.
