sábado. 08.08.2020 |
El tiempo
sábado. 08.08.2020
El tiempo

Duque nega ilegalidades na compra do chalé e seguirá á fronte do ministerio

Pedro Duque comparece para dar explicacións pola compra do seu chalé e nega irregularidades. EFE
Pedro Duque comparece para dar explicacións pola compra do seu chalé e nega irregularidades. EFE

Asegura que lle recomendaron facer a sociedade, que liquidou os impostos e que custa moito desfacela 

O ministro de Ciencia, Innovación e Universidades, compareceu ante a prensa para dar explicacións sobre as informacións que lle atribúen unha sociedade patrimonial para eludir impostos e asegurou que lle recomendaron realizala, que liquidou todos os tributos e que non se trata dunha "cuestión de ética" constituír unha sociedade para comprar un inmoble. 

O ministro engadiu que falou co presidente do Goberno, Pedro Sánchez, explicoulle que o seu caso non é como aqueles aos que o agora xefe do Executivo fixo mención en 2015 cando asegurou que se alguén tributase menos cunha instrumental estaría fóra do Goberno, e que Sánchez deulle todo o seu apoio.  "Non houbo aforro real de impostos en absoluto", asegurou.

É completamente legal, estou á corrente de todas as obrigacións fiscais e non vexo onde se pode interpor ningunha cuestión de ética

Segundo OKDiario, Duque adquiriría un chalé de luxo na localidade alacantina de Jávea a nome da sociedade patrimonial Copenhague Xestores de Inmobles S.L. A esposa de Pedro Duque, María Consuelo Femenía, embaixadora de España en Malta, figura xunto ao ministro como administradores solidarios da sociedade patrimonial, que supostamente non ten persoal contratado e está destinada unicamente á administración de bens patrimoniais. 

Preguntado sobre se a constitución dunha sociedade para adquirir un inmoble é ético, o ministro apuntou que "non hai ningunha consideración ética" sobre iso.  Duque explicou que el e a súa muller constituíron a sociedade cando a vivenda de Jávea xa era propiedade súa e que o fixeron asesorados por un "notario" ou "alguén" en 2005, en tempos en que o Goberno estaba a promocionar esta fórmula de adquisición de vivenda, xa que tiña "certas vantaxes" na situación de ambos, que entoes vivían no estranxeiro. 

"É completamente legal, estou á corrente de todas as obrigacións fiscais e non vexo onde se pode interpor ningunha cuestión de ética", resumiu. Así mesmo, dixo que "non foi tan bo consello" constituír a sociedade porque lles custou "moito diñeiro", e asegurou que a sociedade "liquidou os seus impostos de sociedades". 

Duque nega ilegalidades na compra do chalé e seguirá á fronte do...
comentarios