Un traballador tivo que ser evacuado en helicóptero este martes logo de caer por unhas escaleiras no municipio ourensán da Pobra de Trives.
Segundo informa o 112 Galicia, o accidente produciuse ás 16,30 horas da tarde no lugar de Encomenda, tal e como indicaba á central de urxencias unha persoa particular.
Así, o 112 avisou aos profesionais de Urxencias Sanitarias-061, que mobilizaron un equipo médico a bordo do helicóptero medicalizado con base en Ourense.
Ademais, foron avisados o grupo de urxencias supramunicipal (GES) de Castro Caldelas e os axentes da Garda Civil.
