A aplicación de mensaxería WhatsApp e as redes sociais Instagram e Facebook, todas elas da compañía estadounidense que dirixe Mark Zuckerberg, volveron funcionar, tras sufrir unha caída masiva que durou un tres horas.
Nestes momentos xa se poden mandar e recibir mensaxes a través de WhatsApp e pódese acceder ás páxinas web tanto da aplicación de mensaxería como de Facebook e Instagram, que antes non se cargaban.
Os problemas empezaron en torno ao mediodía e solucionáronse sobre as 15 horas da tarde.
Anteriormente, o pasado 14 de marzo, produciuse unha caída parcial de Facebook que tamén afectou a Instagram e WhatsApp e que durou 22 horas, sendo unha das máis longas da historia da compañía estadounidense.
Naquela ocasión a firma que dirixe Zuckerberg explicou que a incidencia foi causada por un "cambio na configuración do servidor" que tivo repercusións en países de practicamente todo o mundo.
