Os membros da Manada acudiron este luns a asinar aos xulgados de Sevilla por cuarta vez desde que quedaron en liberdade provisional á espera de que se resolvan os seus recursos á condena de 9 anos que lles impuxo a Audiencia de Navarra.
Téñeno que facer luns, mércores e venres, segundo as condicións da súa liberdade baixo fianza. E isto non lles impide gozar dunhas pracenteiras fins de semana, o que indignou a non poucos cidadáns que expresaron o seu malestar nas redes sociais. E é que José Ángel Prenda foi visto o sábado e o domingo en Eivissa, mentres que Antonio Manuel Guerrero e Jesús Escudeio optaron por un destino tamén turístico aínda que máis próximo, como é El Palmar, en Cádiz.
Segundo informa Telecinco, a ambos se lles viu comendo nun restaurante, onde aparentaban estar cómodos e incluso saudaban a quen lles recoñecían e quitaban fotos.
Por outra banda, a Policía remitiu á Audiencia Provincial de Navarra un oficio no que insiste en que Antonio Manuel Guerrero, o garda civil membro da Manda, presentouse nunha oficina para renovar o seu pasaporte e alegou que o facía porque o perdeu.
Só cando a funcionaria lle comunicou que había unha orde dun xulgado que facía imposible realizar ese trámite e lle preguntou se tiña algún asunto pendente con ese xulgado, Guerrero explicou que si e que era ese órgano xudicial que lle requiría o pasaporte.