A Fiscalía de Menores de Cáceres investiga unha agresión sexual a unha moza menor de idade cometida o pasado domingo, presuntamente por tres menores de idade que, como medida cautelar, foron postos en liberdade o luns cunha orde de afastamento da vítima.
Así o sinalaron este martes a EFE fontes da Fiscalía, ante a que declararon os tres implicados tras ser detidos logo de suceder os feitos no Parque Gonzalo Mingo na tarde-noite do domingo.
Ademais, segundo fontes da Policía Nacional, hai un cuarto mozo presuntamente implicado , un menor de 14 anos do que se descoñece o seu grao de participación e ao que, pola súa idade, non se lle pode esixir ningunha responsabilidade penal.
A Fiscalía continúa a fase de instrución solicitando probas e alegacións antes de que o caso pase a mans do xuíz.
