O Tribunal de Apelación de París autorizou este mércores a saída do cárcere por motivos de saúde do histórico dirixente etarra José Antonio Urrutikoetxea, "Josu Ternera", que quedará en arresto domiciliario e controlado cun brazalete electrónico.
Josu Tenera deberá presentarse mañá pola mañá ante os servizos penais, tras o que poderá abandonar a prisión da Santé de París, onde permanece detido desde que foi capturado en maio do ano pasado nos Alpes franceses.
O pasado terrorista de Josu Tenreira
José Antonio Urrutikoetxea foi integrante de ETA desde os albores da organización —incluso antes do paso á clandestinidade da mesma—. Aínda dentro da legalidade, ocupou o cargo de responsable político de ETA-V Asemblea en Biscaia.
Xa dentro do fronte militar Josu ataca a fábrica de Orbegozo en Hernani, no ano 1972. Ese mesmo ano intervén no atraco dunha furgoneta que levaba divisas ao Banco de Biscaia e participa no atentado da Casa Sindical de Hernani. Dous anos despois, en 1974, asalta unha polvoreira en Hernani, deste atraco suponse que a banda sacou os explosivos que utilizaron no atentado contra Luís Carrero Blanco.
No ano 1984 Josu Ternera pasa a ser
Tras a morte de Txomin Iturbe Abasolo —número un de ETA— José Antonio Urrutikoetxea pasa a ocupar o seu posto, sendo o
O exdirixente fuxiu de España en 2003 e permaneceu en paradoiro descoñecido durante 16 anos. En novembro de 2008 desvelouse que padecía cancro terminal de estómago polo que se considerou que estaba desvinculado da banda. Con todo, en 2018 participou na lectura do comunicado que anunciaba a disolución de ETA polo que se lle volveu a relacionar coa organización terrorista.
Finalmente, en 2019 foi detido en Sallanches, unha rexión dos Alpes franceses, nunha operación conxunta da Dirección Xeral de Seguridade Interior francesa e da Garda Civil Española. Aí trasladóuselle á prisión a Santé de París, onde permanece ata que se produza a súa excarceración por causas sanitarias.
