Un home gañou 18 millóns de euros no Sorteo Extraordinario de Nadal deste domingo 22 de decembro ao comprar 36 series do terceiro premio, o 00750, un número que pediu nun estanco da rúa Jacint Verdaguer de Mollerussa (Lleida).
O dono do estanco, Josep Salou, explicou a Europa Prees que non coñece ao home que lle pediu ese número: "Unha petición fóra de serie que puidemos conseguir", manifestou.
"Díxome que se saía ese número poríase contenta a familia", afirmou o propietario do estaco, que confesou que lle estrañou que pedise tanto diñeiro dun mesmo número.
O dono do estanco contou que hai uns anos, en 2014, o seu estanco tamén repartiu décimos dun segundo premio da Lotería de Nadal.
Do mesmo número, 00750, a administración de lotería de Sort (Lleida), a Bruixa d'Or vendeu dúas series, un millón de euros.