A ministra de Facenda, María Jesús Montero, anunciou este mércores que o Iva das máscaras baixará do tipo xeral, o 21%, ao superreducido do 4%, e ademais reducirá o seu prezo máximo de venda. Durante a súa intervención no Pleno do Congreso dos Deputados con motivo do debate de emendas á totalidade do proxecto orzamentario, Montero explicou que adoptou esta decisión despois de que a Comisión Europea confirmase este martes "por escrito" que non multará a España por iso.
O Goberno defendera que non podía baixar o Iva das máscaras porque o impide a directiva europea, algo que a ministra insistiu este mércores que é así, aínda que a Comisión non abrirá procedemento de infracción por iso. "Somos un Goberno sensible, atento e que atende os problemas da xente", insistiu a ministra, que quere evitar que España teña que afrontar unha multa millonaria por incumprir a directiva.
Montero detallou que a baixada do Iva aprobarase o
