O Goberno estuda a posibilidade de prohibir o uso dos móbiles nos centros educativos, seguindo os pasos da lei aprobada para este curso en Francia, co obxectivo de diminuír a adicción dixital dos estudantes.
Asegurouno a ministra de Educación e Formación Profesional (FP), Isabel Celaá, nunha entrevista con Efe, na que manifestou que, de momento, está a atopar "posturas fortemente enfrontadas" sobre se os móbiles deben entrar nos colexios ou non.
A ministra considera que "é unha cuestión interesante e a estudar porque temos demasiados adolescentes moi adictos á tecnoloxía", e invita a reflexionar "sobre se o tempo escolar debe estar libre desa adicción".
A pesar disto Celaá recoñece que a móbil "axuda nalgúns casos", pero se prohibilo serve para "dismiuir a adicción dixital, merece a pena valoralo".
ACOSO ESCOLAR. Sobre un dos problemas máis graves nos centros educativos do país, o acoso escolar, a ministra afirma que actualmente existe "máis sensibilidade" e proba diso é que se incrementaron o número de denuncias" en casos que antes permanecían ocultos.
Celáa asegura que este é "un tema crucial e dramático que pode amolar a vida a raparigos de pouca idade", e que o labor dos propios centros educativos é fundamental para combater esta secuela. "Teñen que pór todas as antenas para evitar que isto suceda", conclúe.
