As galiñas da granxa Le Gros Chêne, na Bretaña francesa, tomáronse a xustiza pola súa man cando un raposo se introduciu no interior das instalacións. Os animais do curral non deron opción ao depredador e acabaron coa súa vida "a picadas", segundo especificou o xefe do lugar, Pascal Daniel.
Tal e como informan medios franceses, o raposo coouse no galiñeiro pola noite e quedou atrapado no interior –pois as portas péchanse automaticamente ao acabar o día–.
"Cada mañá visitamos o galiñeiro para ver se as galiñas teñen suficiente auga, comida... E foi cando atopamos ao raposo morto nunha esquina. Houbo un efecto chamada e atacárono a picadas", explica o propio Daniel.
O animal tiña "ao redor de seis ou sete meses", o que facilitou a defensa das galiñas ante a súa intrusión.
