"A Fórmula Un debería ser máis física, é un deporte para homes". O británico Lewis Hamilton realizaba esta polémica afirmación no circuíto Gilles Villeneuve de Montreal ao ser preguntado por como cría que se podería mellorar o espectáculo da F1.
"Faríaa máis dura para os pilotos. Éste é un deporte de homes. Moitos adolescentes chegan e resúltalles realmente fácil adaptarse á categoría, sen problemas", dixo o campión inglés, probablemente sen ser consciente do machismo que destilaban as súas palabras.
"Deberiamos acabar as carreiras coa sensación de estar tan exhaustos coma se acabásemos un maratón", engadiu o líder do Mundial.
