O secretario xeral de Podemos, Pablo Iglesias, agradeceu aos profesionais da sanidade pública o trato dispensado á súa parella, Irene Montero, e aos seus dous bebés, que naceron este martes de forma prematura aos seis meses de xestación, e que espera que "saian adiante".
Nunha mensaxe na súa páxina de Facebook, Iglesias sinala: "Queremos dar as grazas aos profesionais da sanidade pública que atenden a Irene e aos dous pequenos que naceron moito antes do esperado. Esperamos que saian adiante. Están nas mellores mans. Enorgullécenos a calidade e a dignidade dos profesionais que se encargan do máis importante servizo público; coidar". Un texto que asinan "Irene e Pablo".
A portavoz de Unidos Podemos no Congreso, Irene Montero, deu a luz este martes un hospital público madrileño.
Montero, segundo fontes próximas á portavoz, atópase ben e os mellizos permanecen en observación.
