Instagram, Facebook Messenger e WhatsApp experimentan problemas a nivel global 

Os problemas no acceso aos servizos afectan sobre todo aos usuarios de América e Europa
WhatsApp. EP
photo_camera WhatsApp. EP

Os servizos da compañía Facebook, como Instagram, Messenger ou WhatsApp, están a experimentar problemas este mércores a nivel global que impiden aos usuarios acceder a eles con normalidade. 

Portais como DownDetector ou Outage Report informan de problemas no funcionamento dos servizos de mensaxería instantánea, Messenger e WhatsApp, desde pouco despois das 16.30 horas (España peninsular), así como das redes sociais Instagram e Facebook. 

Os problemas no acceso aos servizos afectan a usuarios a nivel global, pero sobre todo aos de América e Europa. No caso de Messenger, nótase máis en Reino Unido, Francia e Polonia, Filipinas e no leste de Estados Unidos, mentres que as dificultades de usar WhatsApp percíbense con maior incidencia en España, Italia, País Baixos e Brasil. No caso de Instagram, a incidencia é maior no leste de Estados Unidos, e Europa. 

Comentarios