O xulgado de Primeira Instancia e Instrución único de Sepúlveda (Segovia) tramita unha denuncia de violación presentada por Valeria Quer, a irmá pequena de Diana, a moza que desapareceu o 22 de agosto de 2016 no municipio coruñes da Pobra do Caramiñal e por cuxo asasinato está encarcerado José Enrique Abuín, alias O Chicle.
Segundo unha infomarción que publica El Norte de Castilla e recolle Europa Press, a presunta agresión sexual produciuse cando Valeria aínda era menor de idade.
Fontes próximas á investigación indicaron este martes que, ao parecer, a moza viaxaría á provincia de Segovia desde a súa residencia en Madrid xunto a un amigo. Nun momento determinado, parou o vehículo nunha paraxe da comarca sepulvedana, situada a uns 65 quilómetros da capital segoviana, e agrediría sexualmente á moza.
A instrutora de Sepúlveda, que leva un par de anos á fronte do xulgado, ordenou máxima discreción ao persoal "para intentar evitar filtracións que precipiten a indeseada avalancha mediática".
Neste sentido, o portavoz dos Quer sinala que, "unha vez máis", apelan " ética e responsabilidade" dos medios de comunicación, como fixeron en innumerables "ocasións" —sen éxito— no caso da súa irmá Diana, que foi obxecto de toda clase de teorías por parte dalgúns xornalistas durante o case ano e medio que estivo desaparecida "situación moi delicada".
O pai da moza, Juan Carlos Quer, declinou este mércores pronunciarse respecto desta denuncia, xa que se trata dun "asunto de estrita intimidade". Así as cousas, apelou " situación moi delicada" pola que atravesa a súa filla menor desde que ocorreu a desaparición e o asasinato da súa irmá, xa que o presunto autor do crime, José Enrique Abuín Gey, O Chicle, aínda non foi xulgado.
