O ministro do Interior, Fernando Grande-Marlaska, decidiu cesar ao comisario xeral de Información, Germán Rodríguez Castiñeira, e nomear no seu lugar a Eugenio Pereiro, informaron a Efe fontes policiais.
A substitución de Castiñeira, que apenas leva dez meses no posto, forma parte dunha remodelación que previsiblemente afectará a máis cargos policiais.
Juan Enrique Taborda relevará a Pereiro como comisario xeral de Estranxeiría, segundo as fontes policiais consultadas por Efe.
Fontes coñecedoras da decisión apuntaron que Castiñeira tiña importantes desavinzas coa secretaria de Estado de Seguridade, Ana Botella. Tamén pesou na decisión a súa boa relación con Enrique García Castaño, o Gordo, investigado no caso Tándem polo que está en prisión o excomisario José Manuel Villarejo.
