[AVANCE] Polo menos cinco persoas morreron este sábado e outras 21 resultaron feridas nun tiroteo rexistrado este sábado no oeste de Texas, en Estados Unidos, onde o presunto autor foi abatido polas autoridades.
Un portavoz da Policía na cidade de Odessa, en Texas, dixo nunha rolda de prensa televisada que o atacante disparou desde un vehículo contra as súas vítimas nunha zona de centros comerciais.
O Departamento de Policía de Midland ( Texas) anunciou na súa páxina web que o presunto autor do tiroteo foi abatido e faleceu polos disparos recibidos en Cinergy, na poboación de Odessa.