Os secadores de man non matan o coronavirus, consumir cocaína tampouco protexe fronte a este patóxeno e os mosquitos non poden transmitir o COVID-19. A Organización Mundial da Saúde (OMS) responde a algúns dos rumores que máis se están estendendo:
OS MOSQUITOS TRANSMITEN O CORONAVIRUS
Non hai probas que indiquen que o novo coronavirus pode transmitirse a través das picaduras deste insecto.
De feito, trátase dun virus respiratorio e, xa que logo, propágase principalmente polo contacto coas pequenas pingas respiratorias que unha persoa infectada xera cando tose ou estornuda, ou coa súa saliva e secrecións nasais.
AS MOEDAS E BILLETES PODEN CONTAXIARTE
O risco de infectarse polo contacto con obxectos, incluso cando pasan por tantas mans como as moedas e billetes ou tarxetas de crédito, é moi baixo.
O CORONAVIRUS PODE VIAXAR GRANDES DISTANCIAS
Non, estes virus non se propagan a grandes distancias a través do aire. O coronavirus expándese principalmente a través das pequenas pingas de saliva que se expulsan ao toser ou estornudar, e estas gotículas son demasiado pesadas para propagarse a grandes distancias.
Os coronavirus tampouco poden chegar ata 8 metros de distancia dunha persoa que tose ou estornuda, como indica outro rumor. As gotículas respiratorias alcanzan ata 1 metro de distancia da persoa infectada.
CANS E GATOS, PERIGO DE CONTAXIO
Polo momento, non hai ningunha proba de que o novo coronavirus infecte a animais de compañía como os cans e os gatos. No entanto, as mascotas son portadoras de bacterias habituais que poden transmitir ao ser humano, como a E. coli e a salmonela.
O SECADOR DE MANS MATA O VIRUS
Non. Os secadores de mans que habitualmente se atopan nos baños públicos non matan o COVID-19, aínda que se usen durante 30 segundos. O contaxio só se evita empregando un xel desinfectante ou auga e xabón.
OS OURIÑOS INFANTÍS PROTÉXENTE
É falso: Os ouriños non mata os virus nin as bacterias, máis ben ao contrario, xa que pode conter pequenas cantidades de material vírico ou bacteriano.
Por iso, lavarse as mans ou limpar determinadas superficies con ouriños infantís non protexe fronte ao COVID-19. Mellor usar un desinfectante a base de alcol ou con auga e xabón.
O FRÍO E A NEVE ELIMINAN O VIRUS
Os virus, tamén o COVID-19, viven no corpo humano, cuxa temperatura se mantén ao redor dos 36,5 e 37 graos centígrados, con independencia das condicións meteorolóxicas, así que non se pode afirmar que o frío ou a neve eliminen este patóxeno.
A COCAÍNA INMUNÍZATE
Non hai probas que apoien esta afirmación. A cocaína é simplemente unha droga estimulante e adictiva, cuxo consumo provoca graves efectos secundarios e é prexudicial para a saúde das persoas.
HAI QUE ASPERXER O CORPO CON ALCOL OU CLORO
Isto non serve para matar os virus que xa entraron no organismo. De feito, pulverizar estas sustancias pode danar a roupa e as mucosas.
AS VACINAS CONTRA A NEUMONÍA FUNCIONAN CONTRA O COVID-19
Non. As vacinas contra a pneumonía, como a neumocócica e a vacina contra a Haemophilus influenzae de tipo B (Hib), non protexen contra o novo coronavirus.
O COVID-19 é tan novo e diferente que é necesario desenvolver unha vacina específica, na que xa se está traballando co apoio da OMS.
OS ANTIBIÓTICOS SON EFECTIVOS
Estes medicamentos non evitarán o contaxio do coronavirus nin curarán ao enfermo que o contraeu. Os antibióticos son eficaces contra as bacterias, pero non contra os virus como o COVID-19. En caso de hospitalización, si pode resultar útil administrar antibióticos para que o paciente non contraia infeccións bacterianas.
ENXUAGARSE O NARIZ PREVÉN O CONTAXIO
Non hai probas que indiquen que esta práctica protexe da infección polo novo coronavirus. Aínda que enxuagarse o nariz regularmente con solución salina pode acelerar a recuperación tras un arrefriado común, non se demostrou que preveña as infeccións respiratorias.
COMER ALLO PROTEXE FRONTE AO VIRUS
O allo é un alimento saudable que pode ter algunhas propiedades antimicrobianas, pero non se demostrou que comelo protexa contra o virus que causa o brote actual.
O ACEITE DE SÉSAMO, TAMBIÉN
Non. O aceite de sésamo non mata ao novo coronavirus. Hai desinfectantes químicos que, aplicados sobre as superficies, poden matalo, como lixivia, o cloro, algúns disolventes, o etanol ao 75%, o ácido peracético e o cloroformo.
Con todo, estes produtos teñen unha eficacia escasa ou nula contra este novo patóXeno se se aplican na pel ou baixo o nariz e, ademais, poden danar a pel.
