Un neno da cidade de Chongqing, no centro de China, foi noticia nas redes sociais do país asiático logo de finxir o seu secuestro para non ter que facer os deberes, informou este mércores o xornal hongkonés South China Morning Post.
O mozo, de dez anos de idade, asegurou que un home e unha muller metérono nunha camioneta mentres ía á escola o pasado 17 de xaneiro.
Nun vídeo, remitido pola oficina municipal de seguridade pública e que foi moi compartido en redes sociais, o neno afirma que logrou escapar dos seus "secuestradores" cando estaban distraídos cos seus teléfonos móbiles. Segundo o seu testemuño, despois escondeuse entre a herba ata que se marcharon.
A Policía pronto empezou a sospeitar da versión do menor, e logo dun intercambio de preguntas acabou por confesar que llo inventou todo para non facer os deberes, indicou o diario.
De feito, pouco despois os axentes atoparon a súa mochila escolar nun aparcadoiro, dentro da cal se achaban precisamente as súas tarefas inacabadas.
O suceso suscitou multitude de comentarios en Weibo -o equivalente chinés de Twitter-, con usuarios tanto a favor como en contra da actitude do mozo.
