Ourense, unha "bomba vírica" con 138 novos casos en tres días

Sanidade insta os ourensáns a que "non saian das súas zonas" para evitar medidas "máis drásticas"
El conselleiro de Sanidade. XOÁN REY
photo_camera O conselleiro de Sanidade. XOÁN REY

As autoridades sanitarias instaron os veciños de Ourense e Barbadás –onde se decretou un peche perimetral no termo municipal a partir da medianoite deste xoves– a que "non saian das súas zonas" co fin de evitar "medidas máis drásticas" para frear o avance do covid-19. 

"Solicitamos a colaboración da cidadanía", afirmou o conselleiro de Sanidade, Julio García Comesaña, na rolda de prensa deste mércores para explicar as decisións adoptadas polo comité clínico na tarde do martes, que levou ao peche perimetral dos concellos de Ourense e Barbadás, onde os veciños se poderán mover polo termo municipal e só saír deste por motivos laborais, escolares ou médicos. 

"Non é un xogo de picaresca, de como escapar das medidas", incidiu o conselleiro, quen subliñou que as medidas adoptadas "intentar previr o contaxio, non castigar a ninguén". 

Comesaña detallou que segundo os últimos datos actualizados, Galicia conta con 4.068 casos activos de covid-19, 51 menos que este martes, 34 pacientes en Uci –un menos– e 185 noutras unidades de hospitalización –14 menos–, mentres 3.949 pacientes están en seguimento domiciliario. 

A iso sumou o falecemento de catro persoas con este coronavirus na comunidade galega o martes e un 2,6 por cento de PCR positivas na xornada pasada, cun acumulado de 3,3% en sete días. Por iso, o titular de Sanidade destacou que a situación xeral en Galicia "segue sendo estable, con certa tendencia á baixa a día de hoxe".

OURENSE. No entanto, o conselleiro puntualizou que hai "situacións diferentes" dentro da comunidade galega, polo que o comité clínico acordou medidas para a provincia de Ourense, mentres que no resto de áreas sanitarias mantéñense sen cambios con respecto ao venres pasado. 

Sobre o caso concreto do municipio de Ourense –con algo máis de 105.000 habitantes–, a directora xeral de Saúde Pública, Carmen Durán, concretou que nos últimos tres días rexistrou 138 novos casos de covid-19 e un total de 439 en 14 días. Así, a taxa acumulada no concello a unha semana sitúase en 254,7 casos por 100.000 habitantes e en 417,2 en 14 días. Deste xeito, destacou que aproximadamente é "entre catro e cinco veces por encima" das cifras no conxunto de Galicia. 

En canto á comarca de Ourense, a directora xeral puntualizou o incremento de 164 casos novos en tres –días fronte aos 76 da semana pasada– cunha incidencia acumulada de 219,7 en sete días e 354 en catorce xornadas, o que a sitúa "bastante por encima da media" da comunidade galega, así como a positividad de PCR, cun 11%. 

Polo seu lado, o concello de Barbadás –o outro no que se decretou peche perimetral–, rexistrou 15 novos casos en tres días e presenta unha incidencia de 280,9 en sete días, "moi por encima da media galega". 

Esta situación, afirmou, "repítese no Barco e Verín", xa que a comarca de Valdeorras rexistra 28 novos casos en tres días e unha taxa de 180,4 en sete xornadas e de 356,9 en 14 días. 

En canto a Verín, a directora xeral apuntou 16 casos novos de covid en tres días, unha taxa de 142,8 en sete xornadas e 257,8 en 14 días, polo que todas esas zonas presentan taxa superiores á media galega. Ademais, indicou que Verín conta cunha 9,6% de positividade en PCR e Valdeorras 8%. 

O xerente do Sergas, José Flores, pola súa banda, asegurou que a capacidade asistencial nos hospitais da área sanitaria ourensá "está garantida" e aplicouse o plan de continxencia "por baixo da ocupación da primeira onda". Neste sentido, defendeu que con estas medidas pretenden "anticiparse" e reiterou que a capacidade asistencial está "totalmente garantida".

MEDIDAS ESPECÍFICAS. O conselleiro de Sanidade concretou que as medidas adoptadas tras a reunión do comité clínico na provincia ourensá supoñen restrinxir a mobilidade nos concellos de Ourense e Barbadás –que pasa do nivel dous ao tres– e mantense a prohibición de reunións de non convivientes. 

Así mesmo, na comarca de Ourense establécese o nivel dous en toda ela; así como no municipio do Barco, onde ademais se prohiben as reunións de non convivientes, pero na comarca en xeral soamente mantense o nivel 2. E en Verín municipio, ademais do nivel 2, restrínxense as reunións a convivientes, pero se permiten no resto da comarca. 

Mentres, nas comarcas de O Carballiño, Verín e O Barco establécese o nivel 2 e neses tres concellos, ademais, as reunións limítanse só a convivientes, salvo na comarca carballinesa onde esa restrición é para todo o seu territorio. 

Comesaña insistiu en que estas decisións se adoptan co "rexistran "parámetros preocupantes" e recordou que a restrición da mobilidade adoptouse por primeira vez en xullo na Mariña "con resultado óptimo".

"BOMBA VÍRICA". Por parte do comité clínico, o doutor Sergio Vázquez Estévez, da área de Lugo, sinalou as taxas de incidencia así como o xustificar as restricións. "Era o momento de tomar estas medidas", afirmou.

Neste sentido, enmarcou estas medidas para conter a "bomba vírica" no centro de Ourense e Barbadás e o resto de concellos de xeito perimetral, co "fin de evitar o contaxio do virus fóra desta zona" con este "perímetro de seguridade" co resto de comarcas, salvo a de Celanova –cuxas taxas están por baixo da media galega–. 

Para o doutor Vázquez Estévez a restrición da mobilidade permitirá "controlar a expansión do virus". Por iso, ve "importante" recordar á a poboación "que non saia da súa zona" e matiza que se poden mover nos seus concellos". 

O alcalde de Ourense asegura que "agora hai que facer caso ao comité" de expertos sanitarios 

Respecto diso, matizou que "non é un confinamento, son restricións da mobilidade nun perímetro" en Ourense e Barbadás, puntualizou. Por iso, apelou a que "a xente cumpra as restricións para non ter que tomar medidas máis drásticas para frear a expansión do virus". 

Nesta liña, outro dos integrantes do comité clínico, o doutor Tato Vázquez Lima, do Salnés, lanzou unha "mensaxe a toda a poboación galega", sobre todo á de Ourense: "O comité non xulga nin castiga a ninguén, somos profesionais que facemos recomendacións baseadas na evidencia científica". 

Por iso, recalcou que se dirixe a unha "poboación adulta, a mellor formada de Galicia" á que avisa de que "non é un xogo de picaresca, de como escapar das medidas". "Estas medidas intentan previr o contaxio, non castigar a ninguén", sentenciou. "Se non teremos moito dor e sufrimento", advertiu, para chamar a pensar "no que se fai" porque "non é cuestión de librar unha multa é cuestión de salvar unha vida". 

O portavoz municipal socialista, Rafael Villarino, di que "non cuestionará" as medidas porque hai un comité de expertos , pero critica a "falta de transparencia"

Comesaña estimou, pola experiencia, uns 18 días para "reverter" a situación do covid e recordou que na zona de Ourense xa se adoptaron medidas o venres pasado. "Esperamos ter resultados antes", asegurou. 

Deste xeito, o conselleiro de Sanidade pediu a "colaboración de todos", en especial dos mozos. "é unha tarefa de todos", concluíu, para defender a "prevención e anticipación" do seu departamento. "Se facemos o que nos corresponde vai dar resultados", sentenciou. 

Comentarios