José Antonio Ávalo, o pai de Aitor, o neno de catro anos que faleceu nunha cacería en Guillena (Sevilla) o pasado 19 de xaneiro, asegurou no programa Espejo Público que o seu fillo era consciente de onde se atopaba.
"O meu fillo era unha persoa con catro anos moi consciente, el mesmo dicía que non era un bebé; sabía en todo momento onde estaba o perigo", comentáballe Ávalo a Susana Griso.
O proxenitor insistiu en todo momento que o pequeno non se separou do seu lado: "O meu fillo caeu nos meus pés porque non se moveu da miña beira".
"Aitor era feliz observando a caza. Hai pais que levan ao seu fillo ao fútbol, a esquiar... todos eramos conscientes do lugar e do sitio onde se atopaba o neno", resolvía.
A familia do menor presentouse como acusación particular contra o presunto autor do disparo, que se atopa en liberdade provisional acusado de homicidio imprudente.