O papa Francisco ordenou que o cardeal e arcebispo emérito de Washington Theodore McCarrick permaneza apartado das súas funcións e recluído ata que se aclaren nun xuízo canónico as acusacións de abuso sexual contra el.
A Santa Sé informou este sábado nun comunicado que o papa recibiu na tarde de venres unha carta na que o purpurado estadounidense presentaba a súa renuncia como membro do Colexio Cardinalicio.
Francisco aceptou esa renuncia "e dispuxo a súa suspensión no exercicio de calquera ministerio público, así como a obrigación de que permaneza nunha casa que lle será asignada para unha vida de oración e penitencia".
Así deberá vivir "ata que as acusacións que se lle dirixen sexan aclaradas por un regular proceso canónico".
O purpurado, de 88 anos, foi acusado de incorrer en abusos sexuais nunha serie de feitos que se remontan aos inicios da súa carreira relixiosa, fai case 50 anos, cando exercía como cura na arquidiocese de Nova York.
O pasado 20 de xullo un home rompeu o seu silencio logo de 40 anos e asegurou ao New York Times que o cardeal McCarrick abusara del
McCarrick negou en todo momento as acusacións e nun comunicado mostrou a súa sorpresa e avanzou que colaborara "plenamente" cunha investigación do Vaticano.
A arquidiocese neoiorquina informou o pasado 20 de xuño de que unha comisión de investigación determinara que as acusacións "estaban fundamentadas e eran cribles".Por iso, o secretario de Estado vaticano, o cardeal Pietro Parolin, seguindo as instrucións do papa, ordenou que McCarrick abandonase o servizo público, segundo a nota.
Non é a primeira vez que un cardeal estadounidense vese salpicado por acusacións de abuso sexual, alegacións que golpearon con especial virulencia ás arquidioceses de Boston e de Nova York.
O pasado 20 de xullo un home rompeu o seu silencio logo de 40 anos e asegurou ao New York Times que o cardeal McCarrick abusara del cando era menor de idade, unha situación que presuntamente se prolongou durante dúas décadas.
McCarrick (Nova York, 1930) foi ordenado cardeal por Xoán Paulo II e participou no conclave de abril de 2005 no que foi elixido pontífice Benedito.
