A firma pontevedresa de moda infantil Pili Carrera estivo presente no acto de investidura do novo presidente de Colombia, no que as fillas de Iván Duque e María Juliana Ruiz luciron conxuntos da súa colección Primavera-Verán 2018. Nun comunicado, a firma con sede en Mos mostra a súa satisfacción pola elección realizada polo novo presidente e pola primeira dama de Colombia nun día tan importante para eles e para o seu país.
Pili Carrera inaugurou en 2017 a súa primeira boutique monomarca en Bogotá, no Centro Comercial Andino. Na actualidade está presente, en tendas monomarca, en 14 países: España, Colombia, Estados Unidos, Arabia Saudita, Emiratos Árabes, México, Panamá, Kuwait, Portugal, Rusia, Qatar, Suíza, Holanda e Perú.
Ademais, as súas coleccións pódense atopar en máis de 300 puntos de venda multimarca en todo o mundo.
â??
