O PNV salvará os Orzamentos do Goberno a pesar de que segue vixente o 155

Os nacionalistas anuncian que votarán 'si' por responsabilidade

O portavoz do PNV, Aitor Esteban. JAVIER LIZÓN (EFE)
photo_camera O portavoz do PNV, Aitor Esteban. JAVIER LIZÓN (EFE)

A Executiva do PNV anunciou que votará "si" aos Orzamentos Xerais do Estado (PGE) "desde a responsabilidade e pondo os intereses da cidadanía de Euskadi por encima dos do partido". Todo iso, a pesar de que o artigo 155 sigue aplicándose en Cataluña, o que nun principio era unha liña vermella para os nacionalistas vascos.

Nun comunicado, o PNV móstrase convencido de que esta decisión é a que "de forma máis eficaz vai contribuír ao pronto levantamento ese artigo 155 en Cataluña, que non só entendemos inevitable, senón tamén inminente".

O "si" na votación definitiva, que se celebrará este mércores no Congreso, segue a liña do ocorrido pola mañá, cando o PNV volveu aliñarse co PP e os seus socios orzamentarios -Cs, UPN, Foro Asturias, CC e NC- para apoiar o proxecto de Lei de Orzamentos Xerais do Estado de 2018,

PACTO CON BILDU. Os cinco deputados do PNV permitiron cos seus votos que as contas continúen a súa tramitación no mesmo día que pactaron con EH Bildu propor no Novo Status para Euskadi que se recoñeza "a nacionalidade vasca" á cidadanía que reside na comunidade.

Aseguran "ninguén será discriminado por razón da súa nacionalidade nin será privado arbitrariamente dela". A coalición soberanista presentou este mércores no relatorio de autogoberno do Parlamento Vasco unha proposta do Título Preliminar de reforma estatutaria, que debía recoller os puntos de encontro das formulacións realizadas a semana anterior polos diferentes grupos.

O documento establece un precepto que se refire "a cidadanía e nacionalidade", exposta polos jeltzales, e que EH Bildu recolleu no documento que elaborou. 

Comentarios