O PSOE gañaría as eleccións do próximo 10 de novembro seguido do PP, que sería o gran beneficiario da repetición dos comicios, mentres que Podemos sufriría un retroceso e Cidadáns esborrallaríase ao nivel de Vox, segundo unha sondaxe publicada este domingo.
Son os resultados da enquisa do Instituto de Investigación, Mercadotecnia e Opinión (IMOP) para o diario dixital El Confidencial, realizada entre o 1 e o 3 de outubro pasados.
As opcións de esquerda sumarían o 44,4% dos votos, e as de dereita, o 41,6%, polo que se repetiría o bloque das pasadas eleccións xerais
De acordo con este estudo, o PSOE conseguiría o 28,3% dos votos, un resultado similar ao do 28 de abril (28,7%), mentres que o PP subiría de forma moi significativa, ata o 20,1%, fronte ao 16,7% dos comicios de abril.
Unidas Podemos colocaríase en terceiro lugar, cun 12% dos votos, fronte ao 14,3% que logrou o 28-A, un retroceso vinculado á irrupción no taboleiro electoral de Más País, o partido de Íñigo Errejón.
O peor prognóstico lévallo Cidadáns, partido que caería ao quinto posto, cun 10,7% dos votos, fronte ao 15,9% de abril, o que lle situaría incluso por detrás de Vox, formación que lograría un 10,8% de apoios, fronte ao 10,3% das pasadas eleccións.
Más País quedaría co 4,1% dos votos; ERC, cun 3,3%, JxCat cun 2,2%; e o PNV, cun 1,6%, segundo esta sondaxe realizada con 1.227 entrevistas telefónicas.
Con estes resultados, as opcións de esquerda sumarían o 44,4% dos votos, e as de dereita, o 41,6%, polo que se repetiría o bloque das pasadas eleccións xerais.
