O presidente do Goberno, Mariano Rajoy, considerou este venres que a moción de censura presentada polo PSOE para desaloxalo do Executivo é mala para España, lesiva para o futuro dos españois e vai contra a estabilidade de España "tan necesaria nestes momentos".
Rajoy compareceu ante a prensa no Palacio da Moncloa tras a reunión do Consello de Ministros para expor o seu punto de vista ante a iniciativa exposta polos socialistas. "Esta moción é mala para España, mala para os españois, introduce moitísima incerteza e é lesiva para o futuro de todos os cidadáns", subliñou.
O presidente do Executivo acusou a Sánchez de volver "ás andadas" carece de autoridade moral" para presentar esta moción que responde ao "único interese" do líder socialista que "está a buscar o seu lugar na política española".unha das opcións é que a moción conte co apoio de Cidadáns e Podemos, ou dos independentistas, ERC e PDeCAT, o que supón o apoio do expresident Carles Puigdemont e o actual Quim Torra, e calquera Goberno con estes respaldos "é inviable" e Sánchez sábeo "e dálle igual".
Rajoy reduciu o caso Gürtel a uns feitos que se produciron nos concellos de Pozuelo e Majadahonda en 2003
Tamén asegurou que a moción se basea nunha "falsidade", como é, ao seu xuízo, que se condenou a algún membro do actual Executivo na sentenza pola trama Gürtel. Rajoy sostivo que a sentenza da Gürtel se refire a feitos que se produciron nos concellos madrileños de Pozuelo e Majadahonda en 2003, feitos que "nada teñen que ver co actual Goberno".
Neste sentido, argumentou que a sentenza dita a responsabilidade civil, que non penal, do PP, partido que, como di a resolución xudicial, "non coñecía os feitos".
"¿Quen reparte os certificados de credibilidade? Repártenos os cidadáns"
Sobre ese fallo, que cuestiona a súa “credibilidade” Rajoy na súa declaración ante o tribunal como testemuña, Rajoy preguntouse "¿quen reparte certificados de credibilidade?". E defendeu que a el llo deron os cidadáns que o votaron para ser presidente.
