Felipe VIN deu negativo na proba PCR que se lle practicou este venres para detectar se tiña o covid-19, aínda que terminará a corentena preventiva de dez días que iniciou o pasado luns, segundo informaron fontes da Casa Real.
O Rei comezou o illamento despois de que o domingo tivese contacto próximo cunha persoa que deu positivo por coronavirus, polo que decidiu suspender a súa axenda de actos oficiais por precaución. A Raíña e as súas fillas, a Princesa de Asturias e a Infanta Sofía, continuaron coas súas actividades con normalidade.
Na familia real, dona Letizia xa tivo que gardar unha corentena preventiva —o pasado marzo, tras coincidir nun acto coa ministra Irene Montero, que deu positivo— e tamén a súa filla maior, Leonor, por un caso na súa clase.
