O exfutbolista Romario de Souza Farías lidera as enquisas para gobernar Río de Janeiro, aínda que se atopa tecnicamente empatado co exalcalde Eduardo Paes e o exgobernador acusado de corrupción Anthony Garotinho, segundo unha enquisa publicada este luns.
O exxogador do FC Barcelona, candidato do centrista partido Podemos, ten un 14% de intención de voto de acordo coa sondaxe do instituto Ibope.
FAVORITO. Romario entrou na política en 2010, cando foi elixido deputado polo seu natal estado de Río de Janeiro, e en 2014 deu outro paso nesa carreira e obtivo un escano no Senado.
Por detrás de Romariose sitúa o exalcalde de Río Eduardo Paes (Demócratas) que conta un 12% de apoio, o mesmo porcentaxe que o exgobernador Garotinho (Partido Republicano Progresista), condenado en segunda instancia por corrupción, o que, segundo as normas, pode impedirlle disputar as eleccións de outubro.
O resto de candidatos á gobernación de Río de Janeiro non supera o 5% de intención de voto.
O estado atravesa unha crise económica e unha onda de violencia que levou ao Goberno a intervir a área de seguridade pública, así como diversos escándalos de corrupción que salpicaron a numerosos políticos nos últimos anos.
