O lehendakari, Íñigo Urkullu, informou este luns de que o presidente de Goberno, Pedro Sánchez, comprometeuse a conformar un grupo de traballo para "a normalización" da política penal aínda que non se fixou un calendario nin un horizonte para a modificación do sistema.
Nunha rolda de prensa tras reunirse con Pedro Sánchez, na Moncloa, Urkullu explicou que será ese grupo de traballo o que "fará unha análise e unha actuación deste asunto" e o que, en definitiva, ditamine os tempos.
Urkullu tamén sinalou que sobre este asunto estivo moi presente a "cautela" por ambas as partes para que esta política penal teña correspondencia coa memoria das vítimas do terrorismo.
